Die gesondheidsvoordele van rooibostee

 
Dit is lankal algemene kennis dat rooibostee gesond is en onlangse navorsing bewys meer dat hierdie stelling waar is.  Die Suid-Afrikaanse Rooibos-raad is tans besig om n ogie te hou oor navorsing wat hier en regoor die wereld gedoen word oor die soort tee.Die volgende gesondheidsvoordele het al aan die lig gekom:

* Internasionale navorsers het gevind dat rooibostee baie antioksidante bevat, wat die liggaam help om op n natuurlike manier siektes te beveg. Die ideaal is om deur die dag ses koppies daarvan te drink.

* Rooibostee speel ook n rol in die voorkoming van velkanker. Dit is veral goeie nuus in Suid-Afrika, waar ongeveer 700 mense elke jaar sterf as gevolg van velkanker.

* Navorsers in Pakistan, Kanada en Duitsland het ondersoek ingestel oor die effek van rooibostee op die spysverteringstelsel en gevind dat dit n kalmerende effek op die stelsel het en ook gebruik kan word vir die behandeling van ander probleme in hierdie liggaamsarea.

* In Japan is navorsing gedoen wat bewys het dat rooibos goed is vir die immuunstelsel, dus kan dit voordelig wees vir mense met MIV/vigs.

* Waarskynlik die beste nuus:  nog navorsing wat in Japan gedoen is, het gevind dat rooibos boonop veroudering kan teenwerk.

Vir meer inligting oor rooibos en die gesondheidsvoordele daarvan, besoek www.sarooibos.org.za.
Bron: vaalweekblad.com