Categorized | Uncategorized

Vaal Inwoners kan begin ontspan

Inwoners langs die Vaalrivier kan vanaf vandag (Woensdag) begin ontspan wanneer die watervlak van die Vaaldam na verwagting weer na 100% sal daal. Dit behoort goeie nuus te wees vir talle waterfront-inwoners wat die afgelope week van die buitew├¬reld afgesny is as gevolg van die kolkende watermassas. Sowat 40 gesinne in die Barrage-omgewing moes verlede week hul huise ontruim. “Die kumulatiewe vloei waar verskeie riviere in die Vaalrivier inloop, is op 3 000 kubieke meter per sekonde gemeet, wat die vloed in die 15 jaar-vloedkategorie plaas,” s├¬ mnr. Marinus de Wilde, bestuurder van die Vaaldam-opvanggebied.

Die grootste hoeveelheid water het na die Vaaldam ingevloei vanuit die Wilgerivier, Watervalsrivier vanuit Secunda en die Liebenbergsrivier vanuit Bethlehem. 17 sluise in totaal is oor die tydperk oopgemaak om die water na die Vaalrivier deur te laat. De Wilde sê dat die reën steeds nie verby is nie en dat voorspellings van ‘n laat maar nat seisoen tekenend van die la niña-weerverskynsel is. Dit word deur warmer temperature en seestrome veroorsaak. Miljoene rand se verliese is gely toe verskeie bote en vlotte deur die vloed meegesleur is.

In een voorval is die luukse motorboot van mnr. Rex Anderson van Stonehaven-on-Vaal deur die Barrage se sluise waar dit in stukke opgebreek het. Vakansieplekke en restaurante se inkomste is ook ernstig deur die vloed beïnvloed. Die gewilde Spirit of Jen by Stonehaven-on Vaal moes met kettings om die Baddriftbrug geanker word om te verhoed dat die luukse passasiersboot wegspoel. Die Eurospar-brug en omgewing in Vereeniging is oorspoel en die roete oor die Kliprivierbrug is swaar belas deur duisende motoriste wat daagliks na die sakekern en omliggende omgewings moet ry.

“Hoewel die vloed deur die Departement van Waterwese as groter as die 1996-vloed beskou word, is minder ongevalle aangemeld,” s├¬ ΓÇÿn woordvoerder van die nooddienste in Parys. In een voorval het mnr. Kobus Weydeman van die Rocky Ridge-vakansieoord in Parys verdrink toe hy aan ΓÇÿn hangbrug wou werk. Volgens mnr. Klaas Mofomme, ΓÇÿn woordvoerder van die Emfuleni Munisipaliteit, is inwoners gewaarsku om versigtig te wees. Die vloei van die water in die Vaalrivier was verlede Vrydag teen 2.7 kubieke meter per sekonde, wat byna 90 keer ho├½r is as gewoonlik. Dit was sonder die re├½n wat die afgelope naweek in die gebied geval het. Diegene wat in laagliggende gebiede woon, is ook gewaarsku om versigtig te wees en alle booteienaars moes hul bote uit die water verwyder.
Bron: Vaal Weekblad