Categorized | Uncategorized

Troetel jou baba en keer dwelmmisbruik later

Mense wat as babas baie vertroeteling van hul moeders gekry het, produseer vermoedelik hoër vlakke van ‘n sekere molekuul (Interleukin-10) wat ‘n mens help om weerstand teen dwelmafhanklikheid te ontwikkel.

Navorsers aan die universiteite van Duke en Adelaide in Australië het bevind dat hope liefdevolle aandag aan ‘n baba in werklikheid die immuunrespons van die kleintjie se brein positief kan verander.
Dit blyk dat moederliefde ‘n chemiese proses in die baba se brein aan die gang sit wat hom of haar as volwassene beter bestand sal maak teen versoekings en smagting na dwelmmiddels soos alkohol en morfien.

Hoewel die eksperimente slegs op rotte en hul werpsels gedoen is, is die navorsers van mening dat dieselfde resultate by mense gevind sal word omdat die breindele wat met dwelmafhanklikheid, “cravings” en beloning te doen het, baie ooreenstem by mense en rotte.

Daar is gevind dat rotte wat as babas meer aandag van hul ma’s af gekry het, se breine tot vier keer meer beskermende Interleukin-10 afskei as rotjies wat deur hul ma’s afgeskeep is.
Bron:  vaalweekblad.com