VANDERBIJLPARK – Die NWU Vaal Rugbyklub is dringend op soek na spelers vir hulle eerste, tweede en o/21-spanne wat hierdie seisoen in die Middel Valke Liga gaan deelneem.
Die NWU Vaal Rygbyklub het ontstaan uit die NWU Rugbyklub en die voormalige Bearing Man (ou Iscor-rugbyklub) wat onlangs saamgesmelt het.
NWU Vaal speel tans in die Luiperd Liga en hulle o/19-span speel in die Leeus Liga. Die klub oefen elke Maandag en Woensdag om 18h30 by die Vaal Rugbyklub (ou Iscor-klub) se velde in Currie Boulevard, Vanderbijlpark.
Die Middel Valke Liga bestaan hierdie jaar uit die Sasolburg Kobras, VUT, Nigel, Elsburg, Oosrand-Polisie en NWU Vaal.
Belangstellendes kan Koos Blomerus op 083 642 5691 kontak.
Nuusbron – Mooivaal Media – Ster