| SASOLBURG.
Nanette Stapelberg (21) is n hamergooier van formaat en dit is beaam toe sy deur Atletiek Suid-Afrika in n span ingesluit is wat onlangs in Nice, Frankryk aan die DecaNation-byeenkoms deelgeneem het. Agt lande, waaronder Suid-Afrika,VSA, Rusland, Sjina, Frankryk, Engeland, Spanje en Duitsland tel, het teen mekaar meegeding. Elke land kon slegs 10 mans en 10 vroue inskryf. Nanette het n sewende plek in haar item behaal en het onder meer meegeding teen die huidige wereldkampioen, Tatyana Lysenko (28) van Rusland. Suid-Afrika het algeheel sewende geindig, slegs n halwe punt agter Spanje (sesde) en slegs twee punte agter Sjina (vyfde). In ag genome dat die jong Suid-Afrikaners slegs n week voor hulle vertrek oor hulle deelname ingelig is en dat die meeste van hulle toe reeds n geruime tyd met n winter-program besig was, het hulle baie goed gevaar. Nanette is nou die Vaaldriehoek se tweede Protea-hamergooi-atleet naas Chris Harmse. Sy word deur Basie Koen afgerig. Nanette het al aan verskeie Geelbladsy-byeenkomste deelgeneem. Sy het in Maart by die Geelbladsy-byeenkoms in Bellville op uitnodiging van Atletiek Suid-Afrika n prag-seisoen met n persoonlike beste afstand van 53,49 m afgeskop. Sy het ook n bronsmedalje verower by die SA Senior kampioenskappe en sy is 2011 se SA Studente Kampioen. Nanette is n baie besonderse sportvrou en is ryklik geseen met talent, want sy het bo en behalwe haar atletiek-prestasies, in 2007 en 2008 na Australie en Nieu-Seeland getoer as onder-kaptein van n hokkie-ontwikkelingspan. Vanwee haar atletiek-verpligtinge, kan sy nie meer mede-dingend hokkie speel nie. Sy studeer tans aan die Noordwes-Universiteit. |
