VEREENIGING – ‘n Interkerklike bergfiets-uitdaagrit van meer as 2 200 km is een van die opwindendste bergfietsbyeenkomste wat tans vir die 2010-kalender beplan word en alle fietsryers word genooi om die geleentheid te ondersteun.
Die fietstoer word deur die AGS kerk Drie Riviere (Rivierstad Tabernakel) vanaf Mosambiek (Gorongosa, 200 km noordwes van Beira terug na Drie Riviere in Suid-Afrika) van 20 Augustus tot 18 September aangebied. Die roete strek oor 20 dae in Mosambiek en 10 dae in Suid-Afrika.
Die doelstelling is om bewusmaking te bevorder van die Evangelie, Bybels en literatuur te versprei en om vriendskapsbande tussen die twee lande te verstewig.
Daar word tans in die gemeenskappe van Nhambita, Munhanganha, Mutiambamba, Bue-Maria, Pungue en M’Bulawa meer as 9 500 inwoners en in die Punguerivier-omgewing meer as 18 500 inwoners bedien.
“Fondse wat tydens die geleentheid ingesamel word, sal aangewend word om ‘n sendingstasie te bou, kerke op te knap, ‘n tent vir buitelug-evangelisasie en geldelike steun aan kwalifiserende Bybelskoolstudente te verleen,” s├¬ die organiseerders.
Fietsryers sal deur gemeentes in Komatiepoort, Nelspruit, Machadodorp, Middelburg, Bronkhorstspruit, Pretoria, Heidelberg en Vereeniging onderskeidelik op die Suid-Afrikaanse-been van die toer onthaal word.
Sakelui word ook genooi om die projek te ondersteun deur skenkings te gee of om deelname van fietsryers te borg.
Skakel Festinus (Suid-Afrika – 078 523 8879 / Mosambiek – 00258 828 405 425), Susann (Suid-Afrika – 083 560 8329 / Mosambiek – 00258 828 405 429), pastoor Hannes van der Walt – Rivierstad Tabernakel – tel (016) 454-0017 of stuur ‘n epos na shorn44@gmail.com vir meer inligting.
Nuusbron: Mooivaal Media – Ster