‘n Splinternuwe┬á boek van die bekende bedryfsielkundige, dr. Arnold Mol, is nou op die rakke. Die boek met die iewat ongewone titel, Jy kan word wat jy is, gee praktiese riglyne vir ‘n gebalanseerde en vervulde Christelike lewe.
Mol se vorige boeke het reeds talle mense se lewens aangeraak en raad gegee oor bestuur, motivering, konflikhantering, ouerskap, en die huwelik. Met sy nuwe boek rig hy hom aan die adres van gelowiges wat voel dat hulle dit nie heeltemal “maak” nie.
Hulle beleef dat God teleurgesteld in hulle is en verstaan nie wat dit  help om steeds aan te hou probeer nie. En terwyl talle kerke so sterk op persentasie fokus, verloor hulle mettertyd moed.
Jy kan word wat jy is, bestaan uit drie dele naamlik wat ons is; wat ons kan wees; en wat ons sal wees. Die hooftema is: jy is meer as wat jy besef. Daarom: laat waai! Begin jou lewe leef in ooreenstemming met God se roeping vir jou. Wat belangrik is, is dat ons moet besef wie ons is: mense wat streef na volmaaktheid maar dit net nie kan bereik nie. Maar ook mens wat voor God skuldig staan omdat ons dit nie maak nie, omdat ons sondig en stukkend is en omdat ons sonde alles stukkend breek waaraan ons vat.
Genadelik kan ons ‘n tweede verhaal vertel, van Jesus wat voor ons staan wanneer ons voor God se troon staan. Van ‘n glimlag op God se gesig nog voordat Hy Jesus in ons raaksien.
Om die rede kan ons iets word: ‘n mens wat geestelik groei, wat met skuld kan afreken op ‘n Bybelse en realistiese wyse, ‘n mens wie se geloof toeneem omdat die diepte van die verhouding met God toeneem. ‘n Mens wat versoekings oorwin en leer om onaangename mense lief te h├¬ en om mense te vergewe wat teen ons oortree. Ons kan mense word wat in die Naam van die Here, lyding kan trotseer.
Dit is ‘n hoopgewende, geloofsopbouende boek wat jou begelei om nuut oor die lewe en jou verhouding met God te dink. Jy kan word wat jy is word uitgegee deur die Christelike Uitgewersmaatskappy en kos R119,95 by toonaangewende boekhandelaars.
Nuusbron: Mooivaal Media – Ster