| SASOLBURG.Die bekende Afrikaanse skrywer, Irma Joubert, het die Sasolburg-biblioteek onlangs besoek om saam met haar getroue aanhangers te kuier. Sy het by die geleentheid ook meer oor haar boeke en die skryfproses vertel en haar nuutste boek, Kronkelpad, aan hulle bekendgestel. Kronkelpad is die derde boek in die trilogie. Anderkant Pontenilo was die eerste en is gevolg deur Persomi. Kronkelpad speel af in die jare 1938 tot 1960. Die trilogie word op boeiende wyse afgesluit in 1986 der waar dit begin het, waar al drie die boeke se karakters weer bymekaar kom in die Italiaanse dorpie hoog bo in die Alpe. Kronkelpad handel oor die hoofkarakters, Lettie Louw (Klara se slim vriendin uit Pontenilo) en die dokter wat in Persomi in die hofsaak getuig) en haar romantiese belangstelling, Marco Romanelli (Antonio se aantreklike broer wat in Italie in n Joodse kamp beland het in Pontenilo). Lettie se vriendinne raak almal verlief op aantreklike mans en trou die een na die ander, maar niemand sien vir Lettie raak nie. Dit is toe dat sy besluit om al haar aandag en passie aan haar werk te gee en sodoende die beste dokter te word wat die bosveld nog gehad het. In 1947 neem sy haar pa se praktyk in die bosveld oor. Nadat hy die konsentrasiekamp oorleef het, is Marco n baie siek, verswakte man wat teen die einde van 1945 na sy ouerhuis in Noord-Italie terugkeer. Sy broer, Antonio, wat met Klara getrou het en nou in die bosveld woon, oorreed hom egter om na Suid-Afrika se warm, droe bosveld te verhuis. So beland Marco in 1948 op dieselfde bosvelddorpie as Lettie, wat sy dokter word. Die liefde blom tussen hulle, maar dan breek die polio-epidemie, of kinderverlamming soos Irma se, van die jare vyftig uit met uiters tragiese gevolge. Dit is n puik boek en n uitstekende manier om die trilogie mee af te sluit. |
