Archive | April, 2014

GRIEKWAS WEER TE STERK VIR LUIPERDS

Die Griekwas het die Luiperds XV-tal Saterdagmiddag in Klerksdorp met ‘n oorwinning van 32-8 sonder seremonie uit die Vodacomreeks geboender.

Dit was die Luiperds se swakste vertoning van die seisoen en Griekwas se negende agtereenvolgende oorwinning in die Vodacom oor die Luiperds.

George Tossel het agter ‘n alleenstryd gevoer en voor het SJ Niemand sy goeie vertonings die afgelope ruk opgevolg.

Punte: Griekwas: Drieë: Gouws Prinsloo, Ederies Arendse, Leon Karemaker, Burger Schoeman. Doelskoppe: Prinsloo (3). Strafdoel: Prinsloo. Skepdoel: Rocco Jansen.

Luiperds: Drie: George Tossel. Strafdoel: Gehard Nortier.

Source: Vaalweekblad.com

Posted in UncategorizedComments Off

GIVE SOME WARMTH THIS WINTER!

Winter is creeping up on us and soon everyone will cover themselves with warm blankets except for a few less fortunate individuals.

We need your help to cover these individuals with some warmth during the cold winter months.

This year, IFM, Vaal Mall, Carpe Diem Media and MooiVaal Media are teaming up with listeners, readers and clients to ensure that we spread some warmth, hope, happiness and most of all, blankets, during winter. For more information contact 016 889 2014 or visit www.ifmradio.co.za.

Source: Vaalweekblad.com

Posted in UncategorizedComments Off

POTCHEFSTROOM MOTORSKOU OP 1 MEI

Een van die heel grootste motorskoue vind al vir die afgelope twee en twintig jaar in Potchefstroom plaas. Ou motors en motorfietse om van te kus en te keur. Dit is ook basaar!! Daar is basaarpoeding, kerrie en rys, pannekoek, pap en kaiings, tuisgebak, vleis, boerewors, sosaties, vetkoek, hamburgers, koeldranke en vele meer. Moenie hierdie motorskou en basaar misloop nie!

Die verhoogprogram is soos volg:

07:00 Agtergrondmusiek

09:15 Opening en verwelkoming –  ds. Willem Kok

09:30 tot 10:00 Kunstenaar: Marius Live

10:00 tot 12:30 Gaskunstenaar: Manie Jackson

12:45 Marius Live

Dag: Donderdag 1 Mei 2014

Tyd: 09:00 tot 13:00

Plek: Kerkplein van die Nederduitsch Hervormde Kerk, Potchefstroom Moeder-gemeente. (h/vWalter Sisulurylaan en Wolmaransstraat). Reg oorkant die Elgro Hotel in Potchefstroom.

Toegang: R20-00 per persoon. Voorskoolse kinders – gratis.

Vir navrae kan die kerkkantoor weeksdae gekontak word by: (018) 293 2672 vanaf 08:30 tot 13:00.

Source: Vaalweekblad.com

Posted in UncategorizedComments Off

OUDSTE POMP IN DIE DORP

SASOLBURG. – As jy in ’n woonbuurt rondry en jy sien skielik ‘n windpomp bo een van die huise uittroon, moenie bekommerd wees en dink jy hallusineer nie, dit wat jy sien, is waar! Mike Spilsburry, of Suiker soos hy bekendstaan, het ‘n regte windpomp wat in sy erf staan. Mike versamel al vir jare lank oudhede, waaronder verskeie ou plaas- implemente, wat hy dan trots op sy erf uitstal. “Hierdie plaasimplemente kom van verskeie plase in die land af. Die windpomp het ek op ‘n plaas in die Reitz-distrik gekry. Die pomp het al vir sowat 20 jaar nie meer gewerk nie en was vasgeroes,” vertel Suiker.

Hy het die windpomp toe self afgebreek en huis toe gebring waar hy dit weer aanmekaar gesit het. “Ek het nie geweet hoe nie, toe gaan doen ek bietjie huiswerk op die internet en sit dit weer reg aanmekaar,” sê Suiker. Die patentdatum op die pomp dateer uit 1935.

Hy het ook gemerk dat die windpomp wit yster ‘bearings’ het. Hy het met sy navorsing op die internet gevind dat windpompe net tot vroeg in die 1940’s nog sulke ‘bearings’ gehad het, dus dateer hierdie windpomp uit tussen 1935 en 1940. Suiker vertel graag in detail oor die geskiedenis van hierdie besondere tuinornament, soos dat van die koeëlgate in die pomp volgens legende uit een of ander skietgeveg kom.

Hy verduidelik ook presies waar die pomp op die plaas gestaan het, “langs die populierbos, op ‘n koppie wat oor die bouval van die ou huis uitkyk”. Suiker beoog om sy versameling uit te brei.

Hy het tans sy oog op ‘n stok-oue John Deere-trekker.

Source: www.vaalweekblad.com

Posted in UncategorizedComments Off

SASOLBURGERS GEMAAN OM DRINKWATER TE KOOK

SASOLBURG – Die Metsimaholo Munisipaliteit het sedert die naweek ‘n waarskuwing aan plaaslike inwoners, veral van Zamdela, Vaalpark en die middedorp van Sasolburg uitgereik om hul kraanwater eers te kook voordat hulle dit drink. Dit volg nadat ‘n waterlekkasie in een van die dorp se opgaardamme ontstaan het. Gino Alberts, woordvoerder van die Metsimaholo Munisipaliteit, sê hulle is tans besig om toetse op die water te doen om te bevestig of die kwaliteit van die water wel beïnvloed is deur die probleem. Alberts sê hulle is nog nie bewus van die oorsaak van die lekkasie nie, maar hulle gaan binnekort met ingenieurs vergader wat hulle gaan bystaan om die reservoir te herstel.

Alberts ontken ten sterkste gerugte van Malaria in die water wat die ronde op sosiale netwerke doen.

Alberts sê daar is geen rede tot paniek nie en die waarskuwing aan inwoners is slegs ‘n voorsorgmaatreël. Daar is sedert Dinsdag tydelike onderbrekings in die watertoevoer sodat daar herstelwerk aan die infrastruktuur kan gedoen word. Net om die lewe nog interessanter te maak vir Sasolburgers het daar Maandagoggend ‘n substasie ontplof in die industriële gebied van Sasolburg wat die dorp in donkerte gedompel het. Die Munisipaliteit het egter die bul by die horings gepak en elektrisiteit was teen laat Maandag-aand weer herstel.

Source: www.vaalweekblad.com

Posted in UncategorizedComments Off

SKENKING ’N GROOT HULP VIR SENTRUM SE GROENTETUINE

Gary Westwood van Epilepsie Suid-Afrika se Vrystaat/Noordwes-sentrum, saam met Zuleika Viljoen, takbestuurder vir Highveld Hose Vereeniging, by van die tuintoerusting en toebehore wat verlede week aan die sentrum oorhandig is. By hulle is van die sentrum se inwoners wat help met die groentetuine.

Epilepsie Suid-Afrika se Vrystaat/Noordwes-sentrum in Parys het die afgelope week ’n skenking van nagenoeg R12 000 se tuintoebehore en gereedskap van Highveld Hose (Chick Henderson) se Vereeniging-tak ontvang vir sy eie en gemeenskapgroentetuine.

Onder die gereedskap en tuintoebehore was onder meer gieters, tuinslange, klampe en koppelstukke vir die tuinslange. Die skenking is moontlik gemaak danksy ’n vennootskapooreenkoms tussen die sentrum en Highveld Hose vir sosiale ekonomiese ontwikkeling wat hier gedoen word as deel van die onderneming se BBBEE gradering.

Epilepsie Suid-Afrika se Vrystaat/Noordwes-sentrum het tans 29 groentetuine in die gemeenskap asook ’n groentetuin vir die sentrum vir eie gebruik. Die 29 gemeenskapsgroentetuine is uitsluitlik begin vir werkskepping en selfonderhouding by onder meer kerke, kleuterskole en vrouegroepe in die gemeenskap. Hiermee het die sentrumpersoneel en inwoners hul kennis en vaardighede teruggeploeg in die gemeenskap nie net om mense te leer om die groentetuine te maak en instand te hou nie, maar ook hoe om die groente te verwerk.

Source: www.parysgazette.co.za

Posted in UncategorizedComments Off

EEN WONDERWERK NA DIE ANDER VIR DANICA

VEREENIGING. – Klein Danica Lotter (6) is na byna ‘n jaar besig om kanker finaal te oorwin.

Vaalweekblad het gedurende Mei 2013 berig dat Danica op die ouderdom van vyf met aggressiewe kanker gediagnoseer is, wat al in die vierde fase strek. Dokters het op ‘n massiewe gewas in haar brein afgekom wat teen ‘n versnelde tempo groei en die kanker het tot in haar maag en rugmurg versprei. Die gewas het ook veroorsaak dat sy haar sig verloor het.

Vandag is die kleinding byna heeltemal gesond. Alhoewel sy nog nie kan sien nie, is sy steeds positief en vol energie.

Gedurende Desember 2013 het dokters die goeie nuus aan die Lotter-gesin meegedeel dat die gewas in haar brein skoonveld is en op 14 Februarie 2014 het sy ‘n operasie ondergaan om die kanker by haar niere uit te sny. Sy gaan nou vir ‘n maand lank bestraling ontvang en daarna vir opvolgondersoeke gaan om te verseker sy is heeltemal gesond.

Die Lotter-gesin bedank elkeen wat hulle in die tyd help en ondersteun. “Dit is die Here se werk wat besig is om Danica te genees. Die een wonderwerk het na die ander gebeur en ons is Hom ewig dankbaar,” sê Lizelle, Danica se ma.

Allen Pascoe, ‘n familielid van die Lotter-gesin, het ‘n trustfonds begin om te help met die mediese onkoste wat met Danica se behandeling gepaard gaan. Die Lotter-gesin het ook ‘n week vakansie gaan hou in Umhlanga wat deur die Protea Hotel-groep en Star Nissan Vereeniging geborg is. DisChem gaan ook ‘n bydrae lewer deur medikasie vir Danica te borg.

Dit gaan elke dag beter met dapper Danica, maar daar is steeds mediese uitgawes wat betaal moet word.

Indien enige persoon ‘n bydrae wil maak, kan die volgende bankbesonderhede gebruik word:

FNB, Danica Lotter Cancer Fund Npc, Drie Riviere, rekening nommer: 62433823219.

Source: www.vaalweekblad.co.za

Posted in UncategorizedComments Off

Click to get listed

Follow us…

Read more…