Archive | September, 2013

PLAASLIKE PENSTEKERS PRESTEER

VANDERBIJLPARK - Marnus en Juan van Wyk van Mooiwater-klub het onlangs in Bethlehem aan die SA Pensteek kampioenskap deelgeneem. Juan is as die beste ruiter by die kampioenskap gekroon. Marnus en Juan was ook die beste in halfseksie (twee ruiters) en eerste in spanverband.

Hulle het ook eerste plek in die halfseksie lans en tweede plek in die halfseksie swaard behaal. Juan het ‘n derde plek in die enkel swaard verwerf.

Dié tweemanskap se welslae het vir hulle plekke in die Nasionale o.19-span verseker wat vroeër vanjaar teen Pakistan in Jacobsbaai deelgeneem het. Om die kersie te kroon is Marnus as kaptein en Juan as onderkaptein van die span gekies.

Marzelle van Wyk (Mooiwater-klub) ) is vir die President-meisiespan gekies en JJ van Rooyen (Loch Vaal- klub) is vir die Presidentspan gekies.

In Augustus het die nasionale o.19-span weer teen Pakistan deelgeneem en gewen. Marnus het ‘n eerste plek in behendigheid met wapens asook ring en pen verwerf. Juan het eerste met enkel lans geëindig. Die tweemanskap het eerste in halfseksie lans geëindig. Hulle het ook eerste plekke in seksie, lans, swaard en Indiese gelid lans, swaard verwerf

Source: Vaalweekblad.com

Posted in UncategorizedComments Off

BEKER-BREKERS!

VEREENIGING. –  Die Kaap is weer Hollands nadat die o.21-rugbyspan van Vereeniging-rugbyklub (VRK) Vrydagaand sy bekerdroogte van 10 jaar gebreek het.

Die jong turke is Vrydagaand op sy tuisveld as die Valke Merlin-ligawenner gekroon nadat hy Nigel met 50-3 die moeder van alle rugbylesse gegee het.

Daar bestaan in rugby waarskynlik nie iets soos ‘n perfekte vertoning nie, maar dié ene het beslis aan perfeksie gegrens.

Twee weke gelede het die VRK die soet smaak van die eerste wingerdtrossie geproe, toe sy tweede span as die Valke Merlin-ligakampioen gekroon is. Die sege in tandem met die hele seisoen se bloedsweet het ‘n domino-effek op die klub se selfvertroue gehad. Die grootste kopsprong is met die o.21-span se sege gegee.

Die hardebaarde van Vereeniging het Saterdagmiddag in Orkney dit amper drie uit drie gemaak, toe hy net-net met 28-25 teen die volslae gunsteling Vaal Reefs verloor het.

Ondanks die naelskraapse nederlaag sal die seisoen met die storielyn van ‘n Aspoestertjie-sprokie sorg. ‘n Sukses-verhaal Dit alles aan die vooraand van die klub se 100ste bestaansjaar. En ja daar word groot dinge beplan om die historiese mylpaal van die oudste rugbyklub in die Vaaldriehoek te vier. Hou gerus die spasie dop. Om terug te keer na die o.21-span se vyfster-sege is dit moeilik om ‘n vertrekpunt te kies.

Een ding is verseker – dat die tuisspan vanuit die staanspoor nie ‘n voet verkeerd kon sit nie. Voorlangs het die getemperde ysters die besoekers fyngemaal en agterlangs is die oorvloed besit met vernuf en sekerheid aangewend.

Om individue uit te sonder sal waarskynlik onregverdig wees, maar die vaskopstut “Big Steve” Steenberg en die agsteman Koos Bosman verdien spesiale vermelding vir hulle inklimspel voorlangs. Agterlangs het skrumskakel Pieter Bosman, binnesenter Henry Platt en linkervleuel JJ Blomerus ‘n barshou gespeel.

Blomerus het twee pragtige drieë gedruk en Platt het met sy goeie verspreiding en aanvoeling vir die spel, gewys hy’s bestem vir groter dinge. Die tuisspan het kort na die afskop reeds met 6-0 voorgeloop en rustyd sy voorsprong tot 28-3 gerek. Die besoekers se frustrasie het kort na rustyd oorgeborrel toe een van sy spelers ‘n rooikaart vir ongeoorloofde spel gekry het. Die manne het mekaar daarna “gegroet”. Die wenspan het op die veld binne die reëls sy gesag afgedwing en ‘n verdere 22 onbeantwoorde punte aangeteken. Die tuisspan se wedstrydplan, afwisseling en uitvoering daarvan was onberispelik klinies. Hoewel die fluitjieblaser ook twee geelkaarte vir Vereeniging uitgedeel het, het chaos kort voor die einde van die wedstryd losgebars toe ‘n massa-geveg digby altwee spanne se plaasvervangerbanke losgebars het. Die besoekers se gebrek aan dissipline en totale minagting vir aanvaarde riglyne vir goeie sportmanskap het veel te wens oorgelaat.

Source: vaalweekblad.com

Posted in UncategorizedComments Off

KLEIN MEISIE MAAK GROOT VERSKIL

VEREENIGING. – Die pragtige jong Anke Bezuidenhout (9) van Laerskool Unitaspark het ‘n groot verskil in haar skool gemaak nadat sy kinders wat ‘n behoefte aan brille het, gehelp het.

Anke is onlangs gekies as een van die tien finaliste vir Mej. SA Skole in die afdeling graad 1 tot 4. Elke finalis het die taak gekry om ‘n projek by hul skool te loods om ‘n verskil te maak. Die skoolhoof, mnr. Gerald Blignault, het gesê dat daar ‘n groot tekort aan brille vir die behoeftige kinders is.

Anke het borge gekry en elf kinders by Laerskool Unitaspark spog nou met splinternuwe “ogies”. September is ook Nasionale Leesmaand en Anke het dit goed gedink om storieboeke aan dié skool se mediasentrum te skenk. “Dit is nie net ‘n modelkompetisie nie, maar ook die geleentheid vir kinders om te leer dat daar ander is wat nie so bevoorreg is nie en dat hulle moet dankbaar wees vir wat hulle het,” sê Anke se ma, Susan. Susan en Rudi (Anke se pa) borrel behoorlik oor van trots op hul prag-dogter.

Die wenners van Mej. SA Skole sal tydens ‘n spoggeleentheid op 12 Oktober aangekondig word. Anke is ‘n graad 3-leerling wat beslis ‘n groot verskil in haar skool gemaak het. Spesiale dank aan die oogkundiges, Thariza van Rensburg, Diane Schoeman, Sonja Bresler en Spec Savers, Drie Riviere, wat dit moontlik gemaak het.

Source: Vaalweekblad.com

Posted in UncategorizedComments Off

JOOST STEEL KOLLIG BY DINEE

Die Hoërskool Transvalia se sportdinee was ’n reuse-sukses.

Voor is: Tjaart du Plessis en Joost van der Westhuizen.

Agter van links is: Herman Venske, Johan Venske, Burger Geldenhuys, Naas Botha, Jaco van der Westhuizen, Rudolf Straeuli, Tommy du Plessis en Johan Marais.




VANDERBIJLPARK. – Privatiseer Suid-Afrika se rugby-franchises.

Dít is volgens Suid-Afrika se skopkoning Naas Botha die toekoms van ons reënboognasie se geliefde spel met die ovaalbal.

Botha het verlede Donderdagaand by die Emerald Resort and Casino tydens die Hoërskool Transvalia se sportdinee as die hoofgasspreker opgetree. Jaco van der Westhuizen (voormalige Bulls-agterspeler) en Rudolf Straeuli (kommersiële bestuurder van die Sharks; oud-Springbokspeler en -afrigter) het ook die gaste toegespreek.

Hy is van mening dat indien die franchises se finansiële strukture sterker is, dit makliker sal wees om die land se voorste spelers vir die Groen -en Goud te bewaar.

Hoewel ’n ieder en ’n elk tydens sy toespraak aan sy lippe gehang het, is die kollig deur Springbok-legende Joost van der Westhuizen gesteel.

Tansvalia het tydens dié funksie gehelp om fondse vir die J9-stigting in te samel. ’n Terminale motorneuronsiekte is in 2011 by dié voormalige Springbokkaptein -en skrumskakel gediagnoseer.

In plaas daarvan om in sak en as te sit, het die veteraan van drie wêreldbekertoernooie die J9-stigting begin om ander mense te help wat aan dieselfde toestand ly.

Hoewel hy deesdae veel ouer en maerder lyk en vasgevang is in ’n rolstoel is daar steeds ’n glinstering in Joost se oë te bespeur. Sonder om ’n woord te spreek, straal sy oë die boodskap uit dat hy tot die bitter einde gaan veg.

’n Aangedane Barend van Graan, uitvoerende hoof van die Blou Bulle Maatskappy, het ’n roerende terugblik op Joost se loopbaan gemaak. Sonder notas het hy uit geheue Joost se loopbaan opgesê. Hy het afgesluit met: “Jy’s ’n yster en ’n rots.”Ander legendes wat die aand saam met Joost en gaste geniet het, was Burger Geldenhuys (oud-Springbokflank), Tommy du Plessis (voormalige Springbok- en Blou Bul-speler) en Alwyn Myburgh (voormalige olimpiese hekkies-atleet). Hannes Muller, van Groet die Grotman-faam, het as seremoniemeester die gaste laat skaterlag en plaaslike kunstenaar Hugo het vir die musiekvermaak gesorg. Die hoogtepunt van die aand was die memorabilia-veiling.

’n Geraamde rugby-collage van Joost het met ’n asembenemende bod van R45 000 die hoogste prys op die veiling gehaal.

Source: vaalweekblad.com

Posted in UncategorizedComments Off

FIFTEEN TROLLEYS FOR CLEANER VAAL

VANDERBIJLPARK. – The Trolley Project is an incentive of Riverside Rotary Club and has been ongoing for the past eight years.

Johan van Pletzen, President of Riverside Rotary Club, said the aim of the project is to make use of registered collectors of recyclable waste materials to create an income and situation of self sustainability for these individuals – also to create an awareness in the Vaal Triangle that recycling waste materials is a community responsibility.

Van Pletzen urges people to separate dry and wet waste by using different-coloured refuse bags if possible, or at least separate in black bags. People must get involved in this project, either by sponsoring or simply supporting proper personal waste management.

The trolleys are numbered to enable the public to give feedback on the conduct of the individual operators. Van Pletzen said they appreciate that there is a large number of free lancing operators who will not have numbered identifiable yellow trolleys, but this does not make them illegal or less of a collector.

Riverside Rotary Club aims, with the help of the public, the business sector and other major role players in the community, to place proper trolleys and structures in place to create an organised system.

Van Pletzen said that they believe that this project will go from strength to strength with 90.6 FM and Mooivaal Media’s help and influence as their media partners.

Source: vaalweekblad.com

Posted in UncategorizedComments Off

CARELS IN UNIEKE VOEDSELPRODUKSIESKEMA

VANDERBIJLPARK. – Die HTS Carel de Wet is een van die eerste skole in Suid-Afrika wat in ‘n vennootskap met Air Products en Inmed een van die grootste innoverende voedselproduksieskemas (Akwaponika) begin het op hul hoewe buite Vanderbijlpark

Op 28 Augustus is een van die grootste Akwaponika-eenhede op die hoewe van Carel de Wet buite Vanderbijlpark tydens ‘n spoggeleentheid geopen. Vir Air Products, die hoofborg van die projek, gaan die korporatiewe maatskaplike belegging (KMB) om verantwoordelikheid te aanvaar vir die toekoms. Dit beteken om na vandag se kinders en jeug om te sien. Die maatskappy het gekies om sy tyd en hulpbronne in onderrigverwante programme te belê, in ‘n poging om hoop en selfstandigheid onder Suid-Afrika se ekonomies benadeelde jeug te bevorder.

Air Products het die borgskap van ‘n projek in vennootskap met Inmed Suid-Afrika geloods en het Carel de Wet betrek met die doel om die probleem van armoede en honger in Suid-Afrika se landelike gemeenskappe aan te spreek. Dit met streng klem op volhoubaarheid en gemeenskapsbetrokkenheid.

Inmed se “Partnership for Children” is ‘n internasionale organisasie wat die toekoms van honderdduisende kinders en hul gesinne omskep deur te fokus op gesondheid, vaardigheidsontwikkeling en die koester van gemeenskapsamewerking.

Een van die nuutste programme is die ontwikkeling van akwaponika, ‘n innoverende voedselproduksiestelsel wat met sukses uitdagings soos swak grondtoestande en spasieprobleme in ekonomies benadeelde gebiede, asook breërstrekkende kwessies soos waterskaarsste, aanspreek.

Akwaponika is ‘n intensiewe voedselproduksietegniek wat akwakultuur (visboerdery) en hidroponika (om plante te kweek sonder grond) te kombineer. Dit is ‘n geslote stelsel waardeur die voedingstowwe vanuit vistenks met gruisgroeibeddings voed, wat ook dien as ‘n filter vir die viswater wat dan skoongemaak, geoksideer en dan terug in die tenke gepomp word. Die vistenks en gruisplantareas ‘voer’ mekaar op dié sikliese en sinergistiese wyse, met gevolglike voortdurende plant- en proteïenproduksie wat baie min invloed op die omgewing het.

Inmed en Air Products het saam met HTS Carel de Wet Vanderbijlpark gekies as die ligging van die nuutste akwaponika-eenheid. Die skool, wat landbou as vak aanbied, het sy eie landbougrond wat gebruik word om die kinders, wat meestal uit ’n ekonomies benadeelde agtergrond afkomstig is, te leer hoe om op ‘n volhoubare en omgewingsvriendelike wyse voedsel te kweek.

“Daar is baie potensiaal vir akwaponika in hierdie land en dié projek sal ons kinders leer hoe dit werk, hoe om hulle eie voedsel te kweek en ook hoe om voedsel op grootskaal as ’n kommersiële onderneming vir die skool te produseer,” sê Gawie Richter, hoof van Carel de Wet.

Die akwaponika-projek kan moontlik twee ton vis produseer, wat 26 ton groente jaarliks tot gevolg kan hê en dit maak die projek regdeur die jaar kommersieel lewensvatbaar.

“Die stelsel, tans die grootste wat Inmed in Suid-Afrika aangepak het, het ‘n ingeboude kweekhuis om regdeur die koue seisoen volgehoue vis- en groenteproduksie te verseker.

“Die feit dat dit tonnels gebruik beteken dat akwaponika nie kwesbaar is vir weerfaktore en klimaatsverandering nie, wat bydra tot die langtermyn lewensvatbaarheid daarvan,” sê dr. Linda Pfeiffer, Inmed-president

“Ons hoop dat dié projek ‘n hele nuwe generasie boere sal inspireer en oplei,” het Josua le Roux, hoofbestuurder –  Sentrale ondersteuning by Air Products Suid-Afrika, sy toespraak afgesluit.

Source: vaalweekblad.com

Posted in UncategorizedComments Off

MIDVAAL WELCOMES NEW MAYOR

MEYERTON. – At a special council meeting which was held on August 29, Councillor Bongani Baloyi (26) was voted in as the new Executive Mayor of Midvaal. He was formerly the MMC for Development and Planning at the Midvaal Council.

In his Mayoral Speech, Cllr Baloyi said that being elected Mayor is a huge honour and an incredibly humbling experience.

“It is also an extremely exciting time, because I will have the opportunity to make choices which can have an impact on the quality of life of the people living around me in Midvaal,” he said.

Cllr Baloyi was born in Thokoza on the East Rand and lives in Kookrus. He is a former pupil of Hoërskool Drie Riviere in Vereeniging and the oldest of three children. He is currently studying BCom in Business Administration.

Cllr Baloyi’s mother was very involved in politics and he attended meetings with her. This is where his interest in politics started.

Cllr Baloyi was instrumental in leading his team to achieve significant successes such as the first-ever collaborative initiative to count and record the residents of Sicelo, the ongoing food garden projects in Midvaal and the establishment of the Bantu-Bonke agricultural cooperative, amongst many others.

Having served on the council for two years, Cllr Baloyi is confident that he will rise to the task of leading and serving Midvaal.

In his mayoral speech he said that the Midvaal Local Municipality has always been dedicated to excellent service delivery, economic growth and development in the area.

He explained that his focus areas as Mayor would include driving economic growth, reaching out to the youth of Midvaal, celebrating diversity, building integrated communities and increased interaction with residents.

In the coming months, the Mayor plans to embark on a roadshow around Midvaal, meeting with different sectors and communities.

“The Demarcation issue is obviously going to be a huge challenge for the whole Midvaal team.

“As a council, we will try our hardest to stop the merger and ensure the continued existence of Midvaal Local Municipality after 2016.

“We will follow all recourse available to us, as we have already begun doing, and we are confident that we can fight the case and stop the merger,” he concluded.

The new Mayoral Committee selected by Mayor Baloyi includes the following councillors:

MMC Social and Community Services: Cllr Cliff Hartman, MMC Engineering: Cllr Malcolm Hack, who was also appointed as Deputy Mayor,

MMC Corporate and Finance: Cllr Patricia Pretorius,

MMC HR & Protection:Cllr James Botsoere and

MMC Development and Planning: Cllr Freddie Peters.

Source: vaalweekblad.com

Posted in UncategorizedComments Off