Archive | February, 2012

Krieketmanne loop hulle rieme styf

Eduard Swanepoel van die Gauteng Platteland-krieketspan – wat uitsluitlik uit spelers vanuit die Vaaldriehoek bestaan – se paaltjies word herrangskik in sy span se kragmeting teen Noordwes. Gauteng is die verdedigende nasionale plattelandse kampioen.

VEREENIGING. – Swak houe-keuses en ‘n hardnekkige sterkant-vennootskap.
Dit was Saterdag in Vereeniging op Dick Fourie-stadion die vernaamste oorsake van die Gauteng-platteland krieketspan se nederlaag met twee paaltjies teen Noordwes.
Gauteng – wat uitsluitlik uit spelers vanuit die Vaaldriehoek bestaan- het die loot gewen en besluit om eerste te kolf op ‘n kolfblad wat weinig hulp aan die besoekers se boulaanval verleen het.
Die tuisspan het gesukkel om vennootskappe aanmekaar te timmer en is uiteindelik vir ‘n beskeie 190 lopies uitgeknikker. Slegs Soldier Nhlapo (25), Brian Ndimande (35) en Dries Nell (26) kon dubbelsyfers haal.
Noordwes was na ‘n goeie begin op 131/8 in die knyp en ‘n Gauteng-oorwinning het na ‘n uitgemaakte saak gelyk.
Noordwes se stertkantkolwers het vasgeskop en met ‘n mengsel van geluk en goeie houespel die agterstand uitgewis en hulle span tot ‘n skok-oorwinning gelei.
Jaco O’Kelly (drie paaltjies), Brian Ndimande (twee paaltjies) en S.W. Smit (twee paaltjies) het puik geboul en so amper die kastaiings uit die vuur gekrap, maar verbroude kanse het uiteindelik die verskil tussen wen en verloor beteken.
“Die nederlaag was onnodig. Die span is tot beter in staat. Daar sal hard aan die pro-bleemgebiede gewerk word,” het Joe Viljoen, die spanbestuurder van Gauteng-platteland gesê. Ondanks dié nederlaag is die verdedigende kampioen steeds gesamentlik met Grens in die eerste plek op die punteleer. Gauteng speel van 17 tot 21 Februarie in Transkei vyf wedstryde teen onder meer Boland- Oos, Grens, OP, Boland Wes en Kei.
*NWU Pukke is die afgelope naweek as die Noordwes Premier A 50-beurt klubkampioene aangewys. Die 65-beurt kompetisie begin die eerskomende naweek. NWU Vaal het sewende geëindig. NWU Vaal het Potch Dorp II in hulle laaste ligabepaling met 3 paaltjies geklop. Potch het danksy Mike Fielding (94) 202/10 in 45.1 beurte aangeteken. Vir NWU Vaal het Bennie Ferreira (4/30) en Danie Erasmus (4/30) onder die paaltjies gemaai. NWU het daarna diep gedelf om 208/7 in 48.4 beurte aan te teken vir ‘n oorwinning. Erasmus (38) was die voorste lopievraat.
Bron:  vaalweekblad.com

Posted in UncategorizedComments Off

National Business support program making an impact

NATIONAL BUSINESS SUPPORT PROG. MAKING AN IMPACT


“Being part of the Legends Programme has totally transformed the way we run our business,” says Julie Hadley, co-founder of the organisation Heartfelt.

Julie is one of 65 business owners and community project leaders supported in 2011 by the Legends Programme, an award-winning national business development initiative funded by the Old Mutual Foundation. Her organisation Heartfelt, which she owns in partnership with Martha Letsoalo, is based in Makapanstad in the North-West Province. Heartfelt trains local women to design and sew hand-crafted brooches, Christmas decorations and other items from felt, which are sold and exported across the world.
“What makes Legends different,” says Julie, “is that it works with small business owners and entrepreneurs such as myself as well as with non-profit organisations and community projects all across the country, with the goal of helping participants attain new levels of success and sustainability.”
Sisters Faatimah and Zainab Paruk, co-founders of the fast-growing Durban-based catering company Chilli Chocolate Chefs, also seems to have found significant value in the business development programme.
“Without doubt, being a part of Legends has helped us transform Chilli Chocolate Chefs into a more organised, professional, confident and passionate business,” says Zainab.
According to programme participants, what sets Legends apart is the strong entrepreneurial focus that is backed up by practical business tools, training and mentoring.
Catherine Wijnberg, the programme originator and Director of Legends implementing-agency Fetola, explains: “We focus on interventions that make an immediate impact, and ensure that Legends delivers the tools and supports business-owners who really need to thrive.”
* The programme is expanding in 2012 and applications are invited from small businesses, NGOs and community-based projects nationally. For more information contact Chantal de Kock on info@fetola.co.za or phone (021) 7017466. You can also visit www.fetola.co.za to learn more and download an application form. Closing date for applications is February 3.

Source: vaalweekblad.com

Posted in UncategorizedComments Off

Leer meet oor Fondswerwing en bemarking

Vaaldriehoekers wat in fondswerwing en bemarking belangstel, word genooi na ‘n kursus in dié verband wat op Donderdag 23 Februarie by Solidariteit se hoofkantoor in Centurion aangebied word.
Die kursusaanbieder is mnr. Chris Windell wat 35 jaar ondervinding in die bemarking van skole, kerke, welsynorganisasies, tersiêre opleiding, nie-regeringsorganisasies en klubs het.
Sy hoofdoel sal wees om kursusgangers stap-vir-stap op te lei om hulle doelwitte te bereik.
“Deesdae vind welsynorganisasies, nie-regeringsorganisasies, skole, kerke – veral vir die welsynbeen – institute, klubs, en dies meer dit baie moeilik om kop bo water te hou ten opsigte van beskikbare fondse.
“Voeg daarby die regering wat subsidies besnoei en die prentjie lyk maar donker. Om nie eers te praat van die ekonomiese klimaat nie,” sê Windell.
Ten spyte hiervan is daar in 2009 bykans R4,5 biljoen aan sulke organisasies geskenk.
Hierdie geld het gekom van hoofsaaklik die korporatiewe sektor waarvan die top 100 maatskappye meer as R50 miljoen elk geskenk het.
Fondswerwers moet dus net weet hoe om die regte roetes te volg om die geld na hul orga­nisasies te kanaliseer.
Chris Windell het reeds drie boeke die lig laat sien en met 300 seminare agter die blad, het hy heelwat raad vir fondswerwers.
Die kursus duur van 09:00 tot 15:00.
Ruimte is beperk, dus moet belangstellendes Chris so gou as moontlik skakel by 082 5681 501 of vir Elmarie by 083 5710 088.
Bron:  vaalweekblad.com

Posted in UncategorizedComments Off

Motorfiets Pretdag

Start Date: Saturday, 2012-02-11
End Date: 2012-02-11
Start Time: 10:00
End Time: 17:00
Where: Die klubhuis op die ou skouterrein in die dorp, Sasolburg.
Category: Community Events
Cost: Free
Recurrence: None
Contact Person: Johann Wolmarans
Contact Telephone: 082 842 0742

SASOLBURG. – Op 11 Februarie gaan motor­fietsryers van oraloor op die dorp toesak vir ‘n dag vol motorfietspret. Sasolburg Tafelronde 41 bied sy eerste Oil Day-Jol aan en dit sal by die klubhuis op die ou skouterrein in die dorp gehou word.
Die dag skop om 10:00 af en hou aan tot hanekraai die volgende oggend. Alle geld wat op die dag gemaak word, gaan aan die DBV geskenk word.
Daar gaan heeldag musiek gemaak word, wat ‘n ruk-en-rol groep asook platejoggie insluit. Daar sal kosstalletjies, vermaak vir jonk en oud en dan natuurlik ook ‘n kontantkroeg wees (so los maar die koelhouers tuis). En asof dit nie klaar ‘n wenresep is vir ‘n lekker dag nie, gaan daar hope pryse en gelukkige trekkings wees. Alle motorfietsryers wat die dag bywoon, kry ‘n metaalwapen wat ingesluit is in die toegangsfooi.
So as jy ‘n volbloed motorfietsryer is, of net ‘n motorfietsgeesdriftige is, kom geniet die dag saam met Sasolburg Tafelronde 41 en help die DBV. Mense is welkom om stalletjies op die dag te kom opsit.
Vir meer inligting of enige ander navrae, skakel Johann Wolmarans by 082 842 0742 of Atherton Russell by 082 920 6408.
Bron: vaalweekblad.com

Posted in UncategorizedComments Off

Page 2 of 212